ke mang?

Ke nna shima ngwana mama
Ke ngatha ya pere kea kata
Naka ya kgomo kea hlaba
Ke nku ke llela teng
Ya tonki mereba ke e ragetse šakeng
Ke phorogohlo mafulela kgole.

Ke mokoni wa ntsi tse kgolo
Mokoni wa bahuba
Ke seila tlhantlhagane
Kare ge nka ja nka se khore
Bokaone ke šebe ka boya ba mpša
Ke fetetse ka lebese la pudi
Gobane ga ke lešoboro ke lethomaša
Se mmakalele ge ke ema bonna ka gare ga bašimane
Se ntšhupi ka menwana ware ke kgope
Yaka nako e sa etla
Wena o mang?

Ke lesogana la go tlola ka makhura a mosela wa nku
Ke seila morogo
Se šeba ka moro
Nka e fološa nkwe nthabeng
Nka e ntsha tau leweng
Se mpone bosesenyane,mamitsana le bosehlana wa nyatša.
Wena o mang

Ke modu mogolo wa mohwelere
Ke fepa dihwelešana
Ke letlakala le phadimago moruleng
Ke fepa dithutla thobela
Ke letshibullo la mme
O nhlabela mekgolokwane
la gore kgoši e be le mona
tate ga a fetse go ephetha kgara thobela

ere ke se elele kudu
ka itira noka ya limpopo
le tlare kea ikgantsha
ke ekgantsitse kgale
nako yela le sa ntsebe
ga bjalo lea ntseba,ke nna yo…… wena o mang?

mr.nice